مدري متى تصبح عيوني على خيـر..

مدري متى تصبح عيوني على خيـر
ومدري متى وانـا وحزنـي ثنائـي

~
أشعر بعزلة حس .. اشعـر بتأثيـر
شي أكبر من انـي اكـون انطوائـي
~
فـي بيئتـي لكـل الاحـلام تفسيـر
وعجزت افسـر واقعـي وانتمائـي
~
انا انتمي للشمس.. للعشب .. للطير
لحزن شاعـر .. لفضيلـة روائـي
~
انا انتمـي .. للمظلمـات المناويـر
اللـي بهـا تمـددي .. وانزوائـي
~
احبك .. ولا زلت كل آخـر عصيـر
احرق قرابينـي .. واجـدد ولائـي
~
انا الفقير اللـي بعـد حبـك اميـر
وانا الاميـر اللـي فقربـي رجائـي
~
وانا الثقيل الممتلـي صـدق تعبيـر
ومعاك احس انـي شقـي ومرائـي
~
خذني معك .. للصبح .. للحلم ..للغير
كل شي من غيـرك كئيـب وبدائـي
~
بعثرني .. رتبني .. مكان ومشاويـر
انـا ضحيـة هالدهـاء النسـائـي

ب قلم افلاطون الشعر .. سعد علوش

راقت لي

شعر في قمة الجمال~
°•.♥.•° °•.♥.•°°•.♥.•° °•.♥.•°